Pengen banget Posting cuman lupe melulu…

Kemaren pas bulan puase ade cerite nyang sangat memilukan , gimane nggak memilukan seorang anak tetangge mpok aye di Tanggerang meninggal dunia karena suatu hal nyang sangat jarang terjadi di dunia kematian..

Meninggal karena menelan ikan betok….

Begini ceritenye..
Pade suatu sore ade 2 anak sedang mancing di rawe belakang desa cijantra, katenye menurut temennye nyang atu lagi ,beliau lagi dapet ikan betok pas lagi mao di taruh di kantong plastk , nha pas kebetulan pancingan nyang atu lagi di makan ame sang ikan, make dengan sangat reflek ikan betok nyang lagi di pegang beliau kontak di masukin ke mulutnye mungkin ingin di gigit.. tapi apa nyang terjadi sang ikan betok itu berontak masuk ke dalah tenggororakan sang bocah ,beliau pun kaget dan mencoba mengeluarkan sang ikan ,tapi tahu sendirikan ikan betok pasti akan berdiri durinye , sang ikan akhirnye sukses nyangkut ditenggorokannye ,

Temen satu lagi ngge ngarti ape nyang terjadi dengan beliau , beliau cuman bantuin mijit pundaknye aje (kaye orang nyang lagi muntah pasti kite pun akan berbuat seperti itu) ampe sang temen semaput , sang temen pun baru ada ide untuk berteriak minte tolong… tapi apa daya nggak ade nyang denger teriakan sang bocah, karena mereka berdua mancing agak jauh kedalam dari keramaian orang, akhernye beliau lari ke depan jalan dan minte pertolongan pade tukang sayur.. hehehehe namenye pedagang tidak serta merta beliau langsung nolongin , markirin dagangannye dulu lah sang tukang sayur..

Pas sampe TKP sang anak sudah pingsan dengan suksesnye.. sang tukang sayur nggak ngerti ape nyang harus di perbuat.. cukup lame sang Bocah di teken2 perutnye di kasih napes buatan.. akhernye sang tukang sayur ambil inisiatif bawa sang Bocah keluar dari rawe dan di taruh di pinggir jalan.. warga mulai berkerumun dan mengenali sang Bocah dan memberi tahu orangtuannye..

Datang sang orang tua , tapi beliau membawa sang Bocah ke Orang Pinter (bukan nye dokter) nyang bise ngobatin orang ketulangan.. hehehe sang dukun bingung kalo orang ketulangan kan masih sadar dan masih bise di perintah untuk minum aer putih ame nasi nyang di kepel2 , nah ini sang bocah nye sukses semaput.. akhernye sang bocah di bawa kerumah sakit, tapi ape daye ditengah perjalanan sang bocah akhirnye meninggal dunia

Ini kisah nyata aye di ceritain same tetangga beliau pas kemaren waktu silahturahmi kerumah mpok di tanggerang